Саудия Арабистонининг "Ал-Аҳли" клуби ижтимоий тармоқларда ҳимоячи Мерих Демирал билан шартномани узайтирганини эълон қилди.
Туркиялик футболчининг Саудия клуби билан янги келишуви 2029 йилнинг ёзигача мўлжалланган.
Демирал "Карамурселспор" ва "Фенербаҳче" клублари тарбияланувчиси ҳисобланади. У катталар даражасида "Сассуоло", "Ювентус", "Аталанта" ва бошқа жамоаларда ўйнаган. Ҳимоячи "Ал-Аҳли" сафида 2023 йил августидан буён тўп суриб келмоқда. У ушбу жамоа сафида ҳозиргача 81 та ўйинда майдонга тушиб, 3 та гол урган ва 4 та голли узатмани амалга оширган. Ҳимоячи клуб сафида Саудия Арабистони Суперкубоги ва Осиё Чемпионлар лигасида ғолиб чиққан.
