Мадриднинг "Атлетико" клуби "Шахтёр"нинг бразилиялик вингери Эгиналдуга қизиқиш билдирмоқда, деб хабар беради Fichajes.
"Матрасчилар" спорт директорининг фикрича, унинг келиши жамоага ёшлик, ҳужумда тезлик ва динамика қўшади.
Клубга яқин манбаларнинг таъкидлашича, келишув тахминан 15 миллион еврога тушиши мумкин. "Атлетико"дагилар бундай салоҳиятга эга футболчи учун бу суммани мақбул деб ҳисобламоқда.
Жорий мавсумда Эгиналду "Шахтёр" сафида барча мусобақаларда 12 та ўйинда майдонга тушиб, битта гол урган.
