Марокаш терма жамоаси бош мураббийи Валид Реграги 2026 йилги жаҳон чемпионатига қуръа ташлаш натижаларига баҳо берди.
Марокашликлар Бразилия, Шотландия ва Гаити билан бир қаторда C гуруҳидан жой олди. Реграги ўз интервьюсида асосий эътиборни бразилияликларга қаратди, деб ёзади The Daily Star.
"Биз бошиданоқ фаворитлардан бирига қарши ўйнаяпмиз, улар ҳам бошиданоқ фаворитлардан бирига қарши ўйнаяпти.
Гуруҳнинг эҳтимолий ғолиби билан биринчи ўйинда тўқнаш келиш ҳеч қачон осон бўлмаган. Улар катта тажрибага эга энг яхши мураббийлардан бирини танладилар, у уларга хотиржамлик беради," - дея таъкидлади мураббий.
Айни пайтда Марокаш ФИФА рейтингида ўн биринчи ўринда бормоқда.













