Marokash terma jamoasi bosh murabbiyi Valid Regragi 2026 yilgi jahon chempionatiga qur’a tashlash natijalariga baho berdi.
Marokashliklar Braziliya, Shotlandiya va Gaiti bilan bir qatorda C guruhidan joy oldi. Regragi o‘z intervyusida asosiy e’tiborni braziliyaliklarga qaratdi, deb yozadi The Daily Star.
"Biz boshidanoq favoritlardan biriga qarshi o‘ynayapmiz, ular ham boshidanoq favoritlardan biriga qarshi o‘ynayapti.
Guruhning ehtimoliy g‘olibi bilan birinchi o‘yinda to‘qnash kelish hech qachon oson bo‘lmagan. Ular katta tajribaga ega eng yaxshi murabbiylardan birini tanladilar, u ularga xotirjamlik beradi," - deya ta’kidladi murabbiy.
Ayni paytda Marokash FIFA reytingida o‘n birinchi o‘rinda bormoqda.
