"Барселона" ҳужумчиси Ферран Торрес "Бетис"га қарши ўйинда хет-трик (5:3) қайд этиб, қаҳрамонга айланди. Ўйиндан сўнг у интервью берди.
"Биз биринчи бўлиб гол ўтказиб юбордик, аммо ажойиб реакция кўрсатиб, вазиятни ўзгартира олдик. "Бетис" жадвалнинг юқори қисмида жойлашган, бу рақиб ҳар доим қийинчилик туғдиришга қодир ва биз бошиданоқ курашишимиз кераклигини тушундик.
Менинг статистикамми? Бу ҳеч нарсани англатмайди. Мен нимага эришишим мумкинлигини биламан. "Барселона"нинг асосий таркиб футболчиси бўлишим мумкинлигини биламан. Изчиллик ва интизом жуда муҳим - айнан шу мен учун муваффақият калити бўлди," - деди Торрес ўйиндан кейинги интервьюсида.













