20 ёшли вингер Руни Барджи "Барселона" сафида илк бор гол урди.
Швед "Бетис"га қарши кечган баҳсда (5:3) "кўк-анорранглилар" сафида асосий таркибда майдонга тушди ва ўз ҳисобига гол ҳамда самарали узатма ёздириб қўйган ҳолда учрашув қаҳрамонларидан бирига айланди.
"Педрини тўп билан кўрганим эсимда. Ўша пайтда мен фақат пасни кутишим керак эди. Керакли жойда бўлиш ва ҳужумни якунлаш муҳим эди. Яхши формамни сақлаб қолишга муваффақ бўламан деб умид қиламан. Иложи борича тез-тез майдонга тушиб, жамоага ёрдам бериб, мураббийнинг ишончини қозонмоқчиман. Ақл бовар қилмайди, ҳис-туйғуларимни тасвирлашга қийналаман. Клубимизни қанчалик яхши кўришимни ҳамма билади," - дейди ёш футболчи интервьюда.
Руни Барджи "Барселона"га ўтган ёзда Даниянинг "Копенгаген" клубидан кўчиб ўтган эди.
