Мадриднинг "Реал" клуби марказий ҳимоячи Антонио Рюдигер билан музокара ўтказишни режалаштирган.

32 ёшли футболчининг амалдаги шартномаси жорий мавсум якунлангач ўз ниҳоясига етади. Шартнома муддати тугагач, томонлар ҳамкорликни давом эттириши ёки эттирмаслиги ҳали аниқ эмас. Журналист Фабрицио Романонинг маълум қилишича, яқин ойларда "қаймоқранглилар" вакиллари Рюдигер билан музокаралар ўтказади. Сўнгги пайтларда немис футболчиси жароҳатлар туфайли тез-тез сафдан чиқмоқда, аммо у жамоа етакчиси бўлиб қолмоқда ва кийиниш хонасида муҳим роль ўйнайди.

Антонио Рюдигер "Реал" сафида 2022 йилдан буён тўп суриб келмоқда. Бу йилги мавсумда тажрибали марказий ҳимоячи атиги уч марта майдонга тушди.