Ҳимоячи Ибраима Конате ҳали ҳам келажаги масаласини ҳал қилгани йўқ - французнинг "Ливерпуль" билан амалдаги шартномаси 2025/2026 йилги мавсум охиригача мўлжалланган. Матбуот Конатени Европанинг бошқа топ-клублари билан боғлашда давом этмоқда.
Football Insider хабарига кўра, "Ливерпуль" Конатани қишда сотиб юбориши мумкин. Аммо мерсисайдликлар ўрнига бошқа футболчи топилсагина, французни сотиб юборишади.
Манбага кўра, Конате сотилган тақдирда "Ливерпуль" 15 миллион фунт (тахминан 17,2 миллион евро) таклифни қабул қилиши мумкин.
Ибраима Конате 2021 йилнинг ёзидан бери "Ливерпуль" шарафини ҳимоя қилмоқда. У "Лейпциг"дан сотиб олинган.













