Англиянинг "Тоттенхэм" клуби жароҳат олган ҳужумчи Доминик Соланке ўрнига франциялик ҳужумчи Матис Телни Европа Чемпионлар Лигаси қайдномасига киритди. Бу ҳақда клуб матбуот хизмати расман маълум қилди.
Лондонликлар УEФАнинг футболчилардан бири жиддий жароҳат олган тақдирда, бошқа ўйинчини қайдномага киритишга рухсат берувчи қоидасидан фойдаланди.
Матис Тель "Тоттенхэм" сафида 2025 йилнинг февралидан буён тўп суриб келмоқда. Ўтган ёзда инглизлар футболчининг ҳуқуқларини Мюнхеннинг "Бавария" клубидан 35 млн еврога сотиб олган эди. Французнинг ўтган мавсумнинг иккинчи қисми олдидан ярим йиллик ижараси клубга 10 млн еврога тушган.













