"Реал"нинг юлдуз дарвозабони Тибо Куртуа "Манчестер Сити"га қарши ўйиндан кейин ўз фикрларини билдириб ўтди. Мадридликлар ўз майдонида "шаҳарликлар"га 1:2 ҳисобида ютқазди.
Куртуа жамоа бош мураббий Хаби Алонсони истеъфога чиқарилиши ҳақидаги миш-мишлар фонида қўллаб-қувватлашини таъкидлади.
"Бугун майдонда ҳаммамиз Хаби билан эканлигимизни кўрдим. Биз бу ўйинга Хаби Алонсо учун синов сифатида қарамадик. Биз унинг тарафидамиз!," - деди Куртуа ўйиндан кейинги изоҳида.
Шунингдек, Куртуа биринчи гол ўтказиб юборилган вазиятда ўзи айбдор эканлигини таъкидлади.
