Мадриднинг "Реал" клуби бош мураббийи Хаби Алонсонинг истеъфодан қутулиб қолиши осон бўлмайди.
Чоршанба куни "қаймоқранглилар" Чемпионлар лигасида ўз майдонида "Манчестер Сити"га имкониятни бой бериб қўйди (1:2). Финал ҳуштаги чалингандан сўнг, "Бернабеу"даги томошабинлар жамоага ҳуштак чалишди. Diario AS нашрининг ёзишича, мухлисларнинг бундай реакцияси "Реал" раҳбариятини ғазаблантирди - Алонсонинг позициялари янада кучлироқ чайқалди. Клуб мухлисларнинг норозилигига тоқат қилмоқчи эмас, шунинг учун энди мураббий ишини йўқотиш арафасида турибди.
Хаби Алонсо яқиндагина - жорий йилнинг июнь ойида ўз лавозимини эгаллади. У Мадриддаги тўрт йиллик фаолиятидан сўнг Бразилия терма жамоасига кетган Карло Анчелотти ўрнини эгаллади.
