Шимолий Америка футбол лигаси MLS раҳбари Дон Гарбер "Ливерпуль" юлдузи Муҳаммад Салоҳнинг чемпионатга келиши ҳақида гапирди. У мисрлик вингерни MLS клублари сафида кўришдан хурсанд бўлишини таъкидлади.
"Агар Салоҳ қачондир MLS'га ўтишга қарор қилса, биз уни мамнуният билан қабул қиламиз.
Мен унга Лео Месси ва Томас Мюллер билан суҳбатлашишни маслаҳат берардим, улар қанчалик мамнун, муваффақиятли ва МЛСда қандай ўйнашларини билиш учун.
Салоҳ ҳақида баъзи миш-мишларни эшитганман. Биз шартномалар дахлсизлигини жуда қадрлаймиз, бу Америка бизнес динамикасининг бир қисми. Муҳаммаднинг "Ливерпуль" билан, биз яхши биладиган одамлар билан амалдаги шартномаси бор. Бу ажойиб жамоа," - дея Гарбернинг сўзларини келтиради Goal.
