"Атлетико"нинг аргентиналик ҳужумчиси Хулиан Альварес "Барселона"нинг қизиқиши ҳақида гапирди.
"Мен бундан ташвишланмайман, бунга эътибор бермасликка ҳаракат қиламан. Лекин мен ҳақимда нималар дейишаётганини биламан. Бу барча ижтимоий тармоқларда. Бор эътиборимни жорий мавсумга қаратганман", - дея Альвареснинг сўзларини келтиради Marca.
Жорий мавсумда 25 ёшли Альварес барча мусобақаларда 21та ўйинда майдонга тушиб, 11 марта рақиблар дарвозасини ишғол қилди ва 4та ассистни ўз ҳисобига ёздириб қўйди.
Альвареснинг "матрасчилар" билан меҳнат шартномаси 2030 йилнинг ярмигача мўлжалланган. Манбага кўра, ҳужумчининг нархи 100 миллион еврони ташкил қилади.
