"Барселона" ҳужумчиси Роберт Левандовски Ла Лиганинг шанба кунги "Осасуна"га (2:0) қарши ўйинида захирада қолдирилди.
Каталонияликлар фақат 70-дақиқада Рафинья Диаснинг саъй-ҳаракатлари билан ҳисобни очган бўлса, 86-дақиқада у орадаги фарқни иккитага оширди. Польшалик фахрий гарчи қайдномага киритилган бўлса-да, майдонга тушмади. Испания матбуоти хабарига кўра, 37 ёшли форвард мушакларидаги ноқулайлик туфайли учрашувда иштирок этмаган.
16 декабрь, сешанба куни Ханс-Дитер Флик жамоаси Испания Кубоги 1/16 финалида "Депортиво Гвадалахара"га қарши баҳс олиб боради.
Роберт Левандовски жорий мавсумда 17 та баҳсда 8 та гол ва 2 та ассистни ўз ҳисобига ёздириб қўйди.
