"Барселона" марказий ҳимоячиси Рональд Араухо психологик муаммолар туфайли жамоа қароргоҳини вақтинча тарк этганди.
Уругвайлик футболчининг қийинчиликлари Чемпионлар Лигаси доирасида "Челси"га қарши ўйиндан (0:3) кейин бошланди. Ўшанда у биринчи бўлимдаёқ қизил карточка олганди. Клуб футболчига руҳий куч тўплаши учун дам берди. Managing Barca нашри тарқатган хабарга кўра Араухонинг ҳолатидан хабар топган "Барселона"нинг бир қатор футболчилари Ханс-Дитер Флик билан учрашиб, жамоадошига қийинчиликларни тезроқ енгиб ўтишга ёрдам бериш масаласини муҳокама қилишган. Мураббийнинг фикрича, майдондаги муваффақиятли натижалар энг яхши ёрдам бўлади - бу муваффақиятсизликларни тезроқ унутишга ва зўриқишни камайтиришга ёрдам беради.
"Челси"дан учралган мағлубиятдан сўнг каталонияликлар қаторасига бешта ғалабага эришди. Араухонинг қайтиш санаси номаълумлигича қолмоқда.
