"Атлетико" Мадрид клуби марказий ярим ҳимоячиси Пабло Барриос Лондоннинг "Тоттенхэм" клубига ўтиши мумкин.
Fichajes нашрига маълум бўлишича, "шпорлар" 22 ёшли хавбекнинг трансфери бўйича испан клубига 80 миллион евролик таклиф билан чиққан. Томас Франк шогирдлари тўпни майдоннинг сўнгги учдан бир қисмига олиб чиқишда жиддий муаммоларга дуч келмоқда ва клубдагилар Барриоснинг хариди бу масалаларни ҳал қилади, деб ҳисобламоқда.
Жорий мавсумда Барриос барча мусобақаларда 22 та ўйинда майдонга тушиб, 1та гол урди ва 1та голга ассистентлик қилди.
Ярим ҳимоячининг "Атлетико" билан шартномаси 2030 йилгача мўлжалланган. Transfermarkt экспертлари унинг нархини 60 млн еврога баҳоламоқда.
