"Барселона" президентлигига номзод Марк Сириа "кўк-анорранглилар" афсонаси Лионель Мессини Каталония клубига қайтариш ниятида эканини маълум қилди.

Аргентиналик номдор футболчи 2021 йилда "Барселона"ни тарк этган ва ҳозирда "Интер Майами" шарафини ҳимоя қилмоқда. Яқинда Месси Барселонага янгиланган "Камп Ноу" стадионининг очилишига учиб келди ва бир кун келиб "нафақат футболчи сифатида хайрлашиш учун" стадионга қайтишга умид билдирди.

"Биз клубимизнинг энг буюк афсонаси уйга қайтиб, тун пардаси остида яширинишини истамаймиз. Биз Мессини "Барселона"га қайтариш учун қўлимиздан келганини қиламиз", - дея Сирианинг сўзларини келтиради El Nacional.