"Ан-Наср" ҳимоячиси Муҳаммад Симакан ўзининг юлдуз жамоадоши - ҳужумчи Криштиану Роналду ҳақида гапирди.

"Фаолиятим бошида кимдир менга Роналду билан бирга ўйнашимни айтса, шундай жавоб берган бўлардим: "Бу мумкин эмас! Ёшимиз ҳар хил-ку. Мен ўйнашни бошлаганимда, у фаолиятининг охирига яқинлашиб қолганди. Ёлғон гапирмайман: у менга интизом, иш ва етакчилик нуқтаи назаридан берган нарса ақл бовар қилмайдиган даражада. Криштиану менга жуда кўп маслаҳатлар беради," - дея Симаканнинг сўзларини келтиради Goal портали The Nassr Zone’га таяниб.

40 ёшли Криштиану Роналдунинг "Ан-Наср" билан амалдаги шартномаси 2027 йилнинг ярмигача мўлжалланган.