"An-Nasr" himoyachisi Muhammad Simakan o‘zining yulduz jamoadoshi - hujumchi Krishtianu Ronaldu haqida gapirdi.
"Faoliyatim boshida kimdir menga Ronaldu bilan birga o‘ynashimni aytsa, shunday javob bergan bo‘lardim: "Bu mumkin emas! Yoshimiz har xil-ku. Men o‘ynashni boshlaganimda, u faoliyatining oxiriga yaqinlashib qolgandi. Yolg‘on gapirmayman: u menga intizom, ish va yetakchilik nuqtai nazaridan bergan narsa aql bovar qilmaydigan darajada. Krishtianu menga juda ko‘p maslahatlar beradi," - deya Simakanning so‘zlarini keltiradi Goal portali The Nassr Zone’ga tayanib.
40 yoshli Krishtianu Ronalduning "An-Nasr" bilan amaldagi shartnomasi 2027 yilning yarmigacha mo‘ljallangan.
