"Борнмут" қанот ҳужумчиси Антуан Семеньо "Ливерпуль"га ўтишга бир қадам яқинлашди.
CaughtOffside хабарига кўра, мерсисайдликлар Гана терма жамоасининг 25 ёшли вингери билан шахсий меҳнат шартномаси шартларини келишиб олган. Аввалроқ Семеньо Премьер-лиганинг бошқа топ-клубларидан қизиқиш бўлаётганига қарамай, фаолиятини айнан "Ливерпуль"да давом эттирмоқчи экани таъкидланганди.
Англия чемпионатининг жорий мавсуми доирасида Семеньо 15 та учрашувда майдонга тушиб, ўз голлари билан етти марта рақибларини ранжитган. Бундан ташқари, ҳужумчининг ҳисобида учта голли узатма бор.
Transfermarkt портали мутахассислари Семеньонинг нархини 65 миллион еврога баҳоламоқда.
