"Bornmut" qanot hujumchisi Antuan Semenyo "Liverpul"ga o‘tishga bir qadam yaqinlashdi.

CaughtOffside xabariga ko‘ra, mersisaydliklar Gana terma jamoasining 25 yoshli vingeri bilan shaxsiy mehnat shartnomasi shartlarini kelishib olgan. Avvalroq Semenyo Premyer-liganing boshqa top-klublaridan qiziqish bo‘layotganiga qaramay, faoliyatini aynan "Liverpul"da davom ettirmoqchi ekani ta’kidlangandi.

Angliya chempionatining joriy mavsumi doirasida Semenyo 15 ta uchrashuvda maydonga tushib, o‘z gollari bilan yetti marta raqiblarini ranjitgan. Bundan tashqari, hujumchining hisobida uchta golli uzatma bor.

Transfermarkt portali mutaxassislari Semenyoning narxini 65 million yevroga baholamoqda.