"Галатасарой" ҳужумчиси Мауро Икардининг "Милан"га ўтиши амалга ошмаслиги мумкин.
"Россонерилар" қишки трансфер ойнасида ҳужум чизиғини кучайтиришга умид қилмоқда ва 32 ёшли аргентиналик футболчи уларнинг асосий нишонларидан бири деб ҳисобланган. Журналист Фабрицио Романонинг янгиланган хабарларига кўра, музокаралар ҳозирча тўхтатилган. "Милан" "Вест Хэм"дан Никлас Фьюллкругни сотиб олишга тўлиқ эътибор қаратишга қарор қилди. Германиялик футболчи устувор вариант бўлиб қолмоқда, трансфер январь ойининг бошларига қадар якунланишига умид қилинмоқда.
Аввалроқ Мауро Икарди илгари "Интер" ва "Сампдория"да ўйнаган А Серияга қайтишни исташи ҳақида хабар берилган эди.
