Сўнгги беш йил ичида биринчи марта Италия Суперкубоги финалида Миланнинг бирорта жамоаси ўйнамайди.

Бу ярим финалнинг иккинчи ўйинида "Болонья" пенальтилар сериясида "Интер"ни мағлуб этганидан сўнг маълум бўлди.

Бир кун аввал "Наполи" "Милан"ни (2:0) турнирдан чиқариб юборганди. Шу тариқа, "Болонья" ва Антонио Конте жамоаси соврин учун кураш олиб боради.

2021 ва 2023 йилларда "Интер" ҳал қилувчи ўйингача етиб борган бўлса, 2022 ва 2024 йилларда финал Милан дербиси бўлган.

Бир йил олдинги сўнгги қарама-қаршиликда "Милан" ҳамшаҳарларини 3:2 ҳисобида мағлуб этиб, совринни қўлга киритган эди.