So‘nggi besh yil ichida birinchi marta Italiya Superkubogi finalida Milanning birorta jamoasi o‘ynamaydi.
Bu yarim finalning ikkinchi o‘yinida "Bolonya" penaltilar seriyasida "Inter"ni mag‘lub etganidan so‘ng ma’lum bo‘ldi.
Bir kun avval "Napoli" "Milan"ni (2:0) turnirdan chiqarib yuborgandi. Shu tariqa, "Bolonya" va Antonio Konte jamoasi sovrin uchun kurash olib boradi.
2021 va 2023 yillarda "Inter" hal qiluvchi o‘yingacha yetib borgan bo‘lsa, 2022 va 2024 yillarda final Milan derbisi bo‘lgan.
Bir yil oldingi so‘nggi qarama-qarshilikda "Milan" hamshaharlarini 3:2 hisobida mag‘lub etib, sovrinni qo‘lga kiritgan edi.













