"Барселона" ва "Манчестер Сити" клубларининг собиқ футболчиси Яя Туре Лондоннинг "Арсенал" ва "Ливерпуль" клубларида тўп тепган акаси Коло Туре билан рақобати ҳақида гапирди.

"Мен ҳар доим энг яхшиман, деб айтаман, чунки ўртамизда қаттиқ рақобат бор эди. Менимча, у жисмонан кўпроқ тайёрланган эди. У жуда интилувчан, ўз ишига содиқ ва ҳар доим интизомли эди. Биз Коло билан доимо ўз ишимизга содиқ эдик, лекин бир пайт у менинг бироз зўрлигимни тушунди, лекин хафа бўлмади. Доим ким энг яхши бўлади, ким кўпроқ нарсага эришади деб ўйлардим, қайсидир нуқтада мен яхшироқ бўлдим", - дея Туренинг сўзларини келтиради Goal.com.