"Манчестер Юнайтед" клуби ярим ҳимоячи Кобби Майнуга муносиб таклиф тушса, уни сотиш масаласини кўриб чиқишга тайёр.
20 ёшли футболчи Рубен Аморим қўл остида "қизил иблислар"нинг асосий таркибига кира олмаяпти, шунинг учун у анчадан бери ижарага кетишни талаб қилмоқда, аммо тўлиқ трансфер ҳам истисно қилинмаяпти. Журналист Бен Жейкобснинг маълум қилишича, "Манчестер Юнайтед" ўз тарбияланувчиси учун тўловлар таркибига қараб 40-50 млн фунт (45-57 млн евро) сўрайди.
Кобби Майнуга "Челси" қизиқиш билдирмоқда, аммо футболчи "Наполи"да ижарада ўйнаш вариантини афзал кўрмоқда. Transfermarkt порталида хавбекнинг тахминий нархи - 40 млн евро.
