"Manchester Yunayted" klubi yarim himoyachi Kobbi Maynuga munosib taklif tushsa, uni sotish masalasini ko‘rib chiqishga tayyor.
20 yoshli futbolchi Ruben Amorim qo‘l ostida "qizil iblislar"ning asosiy tarkibiga kira olmayapti, shuning uchun u anchadan beri ijaraga ketishni talab qilmoqda, ammo to‘liq transfer ham istisno qilinmayapti. Jurnalist Ben Jeykobsning ma’lum qilishicha, "Manchester Yunayted" o‘z tarbiyalanuvchisi uchun to‘lovlar tarkibiga qarab 40-50 mln funt (45-57 mln yevro) so‘raydi.
Kobbi Maynuga "Chelsi" qiziqish bildirmoqda, ammo futbolchi "Napoli"da ijarada o‘ynash variantini afzal ko‘rmoqda. Transfermarkt portalida xavbekning taxminiy narxi - 40 mln yevro.













