"Борнмут" вингери Антуан Семеньо бир календарь йилида Англия Премьер-лигасида 20 дан ортиқ голда иштирок этган иккинчи ганалик футболчи бўлди. Бу ҳақда OptaJoe хабар бермоқда.
Таъкидланишича, бундай ўйинчиларнинг биринчиси Тони Йебоа бўлиб, у 1995 йилда "Лидс" сафида 22 та гол урган ва 3 та голли узатмани амалга оширган.
Жорий календарь йилида 25 ёшли Семеньо 14 марта рақиблар дарвозасини ишғол қилди. Бундан ташқари, унинг ҳисобида 6 та ассист мавжуд.
Йил охиригача "Борнмут" "Брентфорд" ва "Челси"га қарши ўйнаши керак.
Айни пайтда "гилослар" 22 очко билан Англия чемпионати турнир жадвалида 14-ўринни эгаллаб турибди.
