Дарвозабон Кепа Аррисабалага "Арсенал"га "Кристал Пэлас"ни пенальтилар сериясида мағлуб этишга ёрдам берди - 1:1, пен - 8:7.
Ўйиндан сўнг испаниялик дарвозабон ўз фикрларини билдириб ўтди.
"Биринчи бўлимда бизда бўлган имкониятлардан яхшироқ фойдаланишимиз керак эди. Танаффусгача жуда яхши ўйнадик, кейин рақиб мослашди ва тузатишлар киритди - ўйин тенглашди. Биз биринчи марта ўйин охирида гол ўтказиб юбораётганимиз йўқ - бунинг устида ишлашимиз керак.
Пенальтилар серияси пайтида дарвозабон совуққонликни сақлаб, кейинги зарба ҳақида ўйлаши муҳим. Концентрацияни йўқотмаслик керак, чунки ҳар бир сэйв ҳал қилувчи аҳамиятга эга бўлиши мумкин," - деди Кепа Sky Sports билан суҳбатда.
