Мадриднинг "Реал" клуби марказий ҳимоячиси Давид Алаба мавсум якунлангач жамоани тарк этади.
33 ёшли футболчи билан келажакда хайрлашиш қарори аллақачон қабул қилинган. ESPN хабарига кўра, "қироллик клуби" австриялик футболчига янги шартнома таклиф қилмайди. Футболчи келаси ёзда амалдаги шартнома муддати тугагач, эркин агент сифатида "қаймоқранглилар" сафини тарк этади.
Давид Алаба 2021 йилдан бери "Реал" шарафини ҳимоя қилмоқда. Жорий мавсумда марказий ҳимоячи бор-йўғи тўрт марта майдонга тушди ва барча турнирларда Мадрид гранди либосида жами 120 та ўйин ўтказиб, бешта гол ва тўққизта голли узатмани амалга оширди.
