"Манчестер Сити" ярим ҳимоячиси Тижани Рейндерс Кевин де Брюйне билан таққослашлар ҳақида гапирди.
Нидерландиялик футболчи ўтган ёзда "шаҳарликлар" сафига қўшилганди. Ўшанда жамоани эркин агент сифатида "Наполи"га ўтган де Брюйне тарк этганди.
"Вулверхэмптон"га қарши ўйиндаги дебютимдан кейин таҳлилчилар мени де Брюйне билан солиштиришди. Албатта, бу мен учун катта мақтов, лекин менинг ролим, фазилатларим бошқача.
"Манчестер Сити"га келганимдан кейин мени тез-тез Кевин билан солиштиришарди ва мен доим такрорлайман: мен янги де Брюйне эмасман. Мен кўп қиррали ярим ҳимоячиман, лекин кўпроқ ўзимни "саккизлик" деб биламан. Ҳимоя ва ҳужум ўртасида ҳаракат қилувчи бокс-ту-бокс. Менга ҳужумлар қурилиши ва якуний босқичда иштирок этиш ёқади," - дея "Милан"да ўйнаган Рейндерснинг сўзларини келтиради City Report.
Кевин де Брюйне ўн йил давомида "Манчестер Сити" шарафини ҳимоя қилган.
