"Барселона" бош мураббийи Ханс-Дитер Флик ўз фаолияти ҳақида фикр билдирди.
Германиялик мутахассис "кўк-анорранглилар" бошқарувида иккинчи мавсумни ўтказмоқда. Ўтган мавсумда каталонияликлар ички мусобақалардаги барча совринларни қўлга киритганди.
"Барселона" мени бутунлай ўзгартириб юборди. Мен бу клубни ва у билан боғлиқ одамларни яхши кўраман. Бизнинг вазифамиз - футболчилар ривожланиши учун тўғри муҳит яратиш. Мен айнан шунга эътибор қаратаман. Жамоа мухлисларга стадионга қайта-қайта келиш, ҳар бир ўйинни интиқлик билан кутиш имконини беради," - дея Фликнинг сўзларини келтиради Managing Barca.
Айни дамда "Барселона" Ла Лига турнир жадвалида "Реал"ни 4 очкога ортда қолдириб, пешқадамлик қилмоқда.
