"Ювентус" қишки трансферлар даврида янги марказий ҳимоячи билан шартнома имзолашни истамоқда.
"Кекса синьора"нинг шорт-листида "Милан"дан Кони де Винтер, "Сассуоло"дан Тариқ Муҳаремович ва "Тоттенхэм"дан Раду Дрэгушин бор, дея хабар беради журналист Мирко ди Натале. Шунингдек, туринликлар "Брайтон" аъзоси Диего Копполени ҳам кўз остига олиб қўйган.
Де Винтер, Муҳаремович, Дрэгушин ва Копполанинг Transfermarkt порталидаги нархи мос равишда 20, 14, 22 ва 10 млн еврога баҳоланмоқда.
"Ювентус" А Серия 16-туридан кейин турнир жадвалида бешинчи ўринда бормоқда. Шанба куни Лучано Спаллетти жамоаси "Пиза"га қарши баҳс олиб боради.













