"Ливерпуль" бош мураббийи Арне Слотнинг айтишича, клуб жароҳатлар туфайли ёзги катта харажатлардан ҳали тўлиқ фойда олмаган.
125 млн фунтга сотиб олинган ҳужумчи Александр Исак оёғи синганлиги сабабли камида икки ойга сафдан чиқди. Клубга 35 млн еврога тушган марказий ҳимоячи Жованни Леони хочсимон боғлам жароҳатини олди ва мавсум охиригача сафдан чиқди. 35 млн евро турадиган ҳимоячи Жереми Фримпонг жароҳати туфайли икки ой майдонга туша олмади.
"Менимча, кўпчилик биз қанча пул сарфлаганимизни айтишга улгурди.
Аммо, афсуски, сарфланган барча маблағлардан фойдалана олмадик ва бу футболчиларнинг жароҳатлари билан боғлиқ," - деди Слот.
