Бразилиялик собиқ машҳур футболчи Роберто Карлоснинг юраги операция қилинди. Бу ҳақда AS хабар берди.

Манбага кўра, таътил вақтида собиқ ҳимоячининг оёғидан тромб топилган. Тўлиқ текширувдан сўнг Карлоснинг юрагидаги муаммолар туфайли жарроҳлик амалиётига муҳтожлиги маълум бўлди. Операция уч соат давом этди ва муваффақиятли ўтди - ҳозир бразилияликнинг ҳаётига ҳеч нарса хавф солмаяпти. Аммо яқин кунларда у шифокорлар назоратида бўлади.

Роберто Карлос "Интер", "Реал", "Фенербахче", "Анжи" ва бошқа клубларида ўйнаган. Бразилиялик футболчи уч карра Чемпионлар лигаси ғолиби, тўрт карра Испания чемпиони, шунингдек, жаҳон чемпиони ҳисобланади.