Braziliyalik sobiq mashhur futbolchi Roberto Karlosning yuragi operasiya qilindi. Bu haqda AS xabar berdi.

Manbaga ko‘ra, ta’til vaqtida sobiq himoyachining oyog‘idan tromb topilgan. To‘liq tekshiruvdan so‘ng Karlosning yuragidagi muammolar tufayli jarrohlik amaliyotiga muhtojligi ma’lum bo‘ldi. Operasiya uch soat davom etdi va muvaffaqiyatli o‘tdi - hozir braziliyalikning hayotiga hech narsa xavf solmayapti. Ammo yaqin kunlarda u shifokorlar nazoratida bo‘ladi.

Roberto Karlos "Inter", "Real", "Fenerbaxche", "Anji" va boshqa klublarida o‘ynagan. Braziliyalik futbolchi uch karra Chempionlar ligasi g‘olibi, to‘rt karra Ispaniya chempioni, shuningdek, jahon chempioni hisoblanadi.