"Монако" ҳимоячиси Муҳаммад Салисуга чап тиззасининг олдинги хочсимон боғлами йиртилгани ташхиси қўйилди, дея хабар берди клуб матбуот хизмати.
"Клуб Муҳаммадга тикланиш жараёнида ҳамроҳлик қилади ва тўлиқ қўллаб-қувватлайди," - дейилади хабарда.
Аввалроқ "Монако"нинг япониялик ярим ҳимоячиси Такуми Минамино ҳам шундай жароҳат олганди.
26 ёшли ганалик Салису 2025/26 йилги мавсумда 18 та ўйинда майдонга тушиб, 1 та гол урган. Унинг шартномаси 2028 йилнинг 30 июнига қадар амал қилади. Футболчи "Монако"да 2023/24 йилги мавсумдан буён тўп тепиб келмоқда.













