"Ювентус" раҳбарияти бош мураббий Лучано Спаллеттининг ишидан мамнун.
66 ёшли мураббий Турин клубини 2025 йил октябрь ойи охирида қабул қилиб олди ва мавсум охиригача шартнома имзолади. Журналист Николо Скиранинг сўзларига кўра, "Кекса синьора" раҳбарлари жамоанинг ютуқларидан яхши таассурот олишмоқда ва Спаллетти билан шартномани узайтириш бўйича музокара олиб боришга тайёр.
Келгуси ҳафталарда мураббийга 2028 йил ўрталаригача мўлжалланган янги шартнома таклиф қилинади.
"Ювентус" 19 та ўйиндан сўнг 36 очко билан А Серия турнир жадвалида тўртинчи ўринда бормоқда.
