Испания Қироллик футбол федерацияси (RFEF) 2027 йилдан бошлаб мамлакат Суперкубогини февраль ойининг биринчи ҳафтасига ўтказиш масаласини кўриб чиқмоқда. Бу ҳақда Marca нашри хабар берди.
Манба маълумотига кўра, RFEF бу ташаббусни мусобақада иштирок этаётган барча клублар билан музокаралардан сўнг илгари сурган. Суперкубокни кўчириш истаги шундан келиб чиқадики, ҳозирда унинг ўтказилиши Рождество байрамларининг охирги кунларига тўғри келади.
Шу билан бирга, энг эҳтимолли вариант сифатида 2027 йилги турнир Катарда ўтказилиши режалаштирилмоқда. Лекин Саудия Арабистони Испания Суперкубогини ўз ҳудудида ташкил этиш бўйича келишувни узайтирмоқчи.













