Таниқли инсайдер Фабрицио Романо "Манчестер Юнайтед"нинг Майкл Каррик билан музокаралари ҳақида гапирди.
Ўтган 12 соат ичида томонлар музокараларда сезиларли ютуқларга эришди. Айнан 44 ёшли инглиз "қизил иблислар" устози лавозимига асосий номзод бўлиб турибди, дейди Романо ўз ҳисоботида. Яқинда бўлиб ўтган учрашув "жуда ижобий" деб баҳоланмоқда.
17 январь куни "МЮ" ўз уйида "Манчестер Сити" билан дербида иштирок этади. Бу ўйинда жамоани янги мураббий бошқариши кутилмоқда.













