Бугун, 12 январь, душанба куни франциялик таниқли мураббий ва собиқ футболчи Роллан Курбис вафот этди.
Маҳаллий нуфузли L'Equipe нашрининг хабар беришича, бу ҳақда ўз ҳаёти давомида Франциянинг бир қатор клубларида, хусусан, "Марсель" "Тулуза", "Бордо" ва бошқа клубларда ишлаган 72 ёшли Курбиснинг оиласидан маълум бўлди.
Курбис "Марсель" тарбияланувчиси бўлиб, у билан бирга футболчи сифатида 1972 йилда Франция чемпионлигини қўлга киритган. Шунингдек, у 1978 ва 1982 йилларда "Монако" билан икки марта ушбу совринни қўлга киритган.
Ролан Курбиснинг жамоа бош мураббийлигидаги сўнгги иш жойи 2016 йилда "Ренн" клуби бўлган.
