"Ливерпул"нинг собиқ устози Юрген Клопп "Реал"дан қўнғироқлар бўлган-бўлмагани ҳақидаги саволга жавоб берди. Душанба куни "қаймоқранглилар" Хаби Алонсо билан хайрлашиб, Альваро Арбелоани бош мураббий этиб тайинлади.
"Телефоним жирингладими? Аслида, менга қўнғироқ қилишди - гарчи Мадриддан бўлмаса ҳам. Аммо ҳа, бу борада мен билан бевосита боғланишни лозим топган бир неча киши бор эди", - деди Клопп Сервус TV’га.
"Мен Алонсонинг кетишидан ҳайрон бўлдим. Менга баъзи одамлар ёзишди ва мен уларга турли эможилар билан жавоб бердим", - деди Юрген.
Германиялик мутахассис 2015-2024 йилларда "Ливерпул"ни бошқарган.
