"Рома" ҳужумкор ярим ҳимоячиси Томмазо Бальданци "Женоа" сафида ижара асосида тўп тепади.
Шартнома 2025/2026 йилги мавсум охирида сотиб олиш имкониятини назарда тутади, деб хабар беради инсайдер Фабрицио Романо.
Ҳар икки клуб футболчи билан келишувга эришган. Улар ўртасидаги музокаралар якуний босқичда.
Жорий мавсумда 22 ёшли футболчи А Серияда 10та ўйинда майдонга тушиб, 1та гол уришга эришди. Унинг бозор қиймати ўн миллион еврони ташкил этади.













