"Бавария" дарвозабони Мануэль Нойер жорий мавсум якунлангач, клубни тарк этиши мумкин.
Мюнхенликлар сардорининг шартномаси келаси ёзда ўз ниҳоясига етади ва клубда дарвозабон қолиш-қолмаслигини ҳозирча билишмаяпти. Журналистлар Тоби Альтшеффл ва Кристиан Фалькнинг маълум қилишича, Нойернинг тақдири март ойидаги танаффусда ўтказиладиган йиғилиш якунларига кўра ҳал бўлади. Қарор апрель ойи бошида оммага эълон қилинади.
27 март куни Мануэль Нойер 40 ёшга тўлади. Афсонавий кипер келаси ёзда фаолиятини якунлаши ҳам эҳтимолдан холи эмас. У жорий мавсум Венсан Компани жамоаси сафида 22 та ўйин ўтказиб, 23 та гол ўтказиб юборди.
