"Манчестер Сити" вингери Антуан Семеньо Премьер-лиганинг бошқа топ-клубига ўтиш ҳақида ўйлаётган эди.
"Шаҳарликлар" 26 ёшли футболчини январь ойи бошида "Борнмут"дан сотиб олган эди. AFCAMDEN хабарига кўра, "Манчестер Сити"га ўтишга узил-кесил розилик беришдан олдин ганалик "канонирлар"дан таклиф олиш умидида "Арсенал"га мурожаат қилган. Лондон гранди учун футболчи "Борнмут"дан кетишни ёзгача кутишга ҳам тайёр эди, аммо мураббий Микель Артета ва спорт директори Андреа Берта келишувга қизиқиш билдирмади.
Антуан Семеньонинг трансфери "Манчестер Сити"га 72 млн еврога тушди. Юлдуз янги ўйинчининг келишуви 2031 йилнинг ёзига қадар мўлжалланган.













