"Барселона" Мадриднинг "Атлетико" клуби ҳужумчиси Хулиан Альваресга қизиқиш билдираётгани ҳақидаги миш-мишлар сўнгги вақтларда тинчиб қолди.

Мавсум стартида матбуотда "кўк-анорранглилар"нинг 25 ёшли аргентиналик футболчига қизиқиши ҳақида тинимсиз гап-сўзлар бўлиб турганди. Сўнгги ойларда "матрасчилар" форварди ўзини унчалик ёрқин кўрсатмаяпти, бироқ Каталония гранди ҳамон унга қизиқиш билдирмоқда, дея хабар беради Marca. "Барселона" Альваресни трансфер мақсади деб ҳисобламоқда, футболчи клуб раҳбарияти ва бош мураббий Ханс-Дитер Фликка ёқади.

Хулиан Альваресни сотиб олиш осон бўлмайди - "Атлетико" камида 100 млн евро сўрайди. Жаҳон чемпионининг мадридликлар билан шартномаси 2030 йилгача мўлжалланган.