Ўзбекистон U-23 терма жамоаси Осиё Кубоги чорак финалидан Хитойга мағлуб бўлди. Учрашувнинг асосий ва қўшимча бўлимларида ҳисоб очилмади. Пенальтилар сериясида эса Хитой 4:2 ҳисобида ғалаба қозонди. Шу тариқа Ўзбекистон Олимпия терма жамоаси сўнгги 10 йил ичида илк бор мусобақа ярим финалига чиқа олмади.
Сўнгги марта Ўзбекистон Олимпия терма жамоаси Осиё Кубогида кучли тўртликдан ташқарида қолган ҳолат 2016-йилда қайд этилган. Ўшанда жамоа “C” гуруҳида 3 очко жамғарган ҳолда 3-ўринни эгаллаган эди. Шундан сўнг жамоа U-23 Осиё Кубогида 4 маротаба иштирок этиб, қуйидаги натижаларга эришган:
2018 йил — чемпион
2020 йил — 4-ўрин
2022 йил — кумуш медал
2024 йил — кумуш медал
Маълумот учун, 2028-йилги Лос-Анжелес Олимпия ўйинларига тайёргарлик доирасида ушбу турнирда Ўзбекистон У-21 терма жамоаси ҳам иштирок этди. Равшан Ҳайдаров бошчилигидаги жамоа чорак финалда Хитойга қарши майдонга тушди. Ўзбекистон асосий ва қўшимча бўлимларда дуранг қайд этганига қарамай (0:0), пенальтилар сериясида 2:4 ҳисобида мағлуб бўлиб, мусобақани тарк этди.
