O‘zbekiston U-23 terma jamoasi Osiyo Kubogi chorak finalidan Xitoyga mag‘lub bo‘ldi. Uchrashuvning asosiy va qo‘shimcha bo‘limlarida hisob ochilmadi. Penaltilar seriyasida esa Xitoy 4:2 hisobida g‘alaba qozondi. Shu tariqa O‘zbekiston Olimpiya terma jamoasi so‘nggi 10 yil ichida ilk bor musobaqa yarim finaliga chiqa olmadi.

So‘nggi marta O‘zbekiston Olimpiya terma jamoasi Osiyo Kubogida kuchli to‘rtlikdan tashqarida qolgan holat 2016-yilda qayd etilgan. O‘shanda jamoa “C” guruhida 3 ochko jamg‘argan holda 3-o‘rinni egallagan edi. Shundan so‘ng jamoa U-23 Osiyo Kubogida 4 marotaba ishtirok etib, quyidagi natijalarga erishgan:

2018 yil — chempion
2020 yil — 4-o‘rin
2022 yil — kumush medal
2024 yil — kumush medal

Ma’lumot uchun, 2028-yilgi Los-Anjeles Olimpiya o‘yinlariga tayyorgarlik doirasida ushbu turnirda O‘zbekiston U-21 terma jamoasi ham ishtirok etdi. Ravshan Haydarov boshchiligidagi jamoa chorak finalda Xitoyga qarshi maydonga tushdi. O‘zbekiston asosiy va qo‘shimcha bo‘limlarda durang qayd etganiga qaramay (0:0), penaltilar seriyasida 2:4 hisobida mag‘lub bo‘lib, musobaqani tark etdi.