Испания чемпионатининг 20-тури доирасида "Атлетико" ўз майдонида "Алавес"ни 1:0 ҳисобида мағлуб этди. Ушбу натижа ҳақида «матрасчилар» устози Диего Симеоне фикр билдирди.

«Жамоа биринчи бўлимни жуда яхши ўтказди. Бу мавсумдаги “Атлетико”нинг энг яхши биринчи таймларидан бири бўлди. Танаффусдан кейин ҳам шу руҳда ўйнашда давом этдик ва гол уришга эришдик. Учрашув охирида меҳмонлар дурангни илиб кетишга уринди, чунки устунлик минимал эди», — дея Симеоненинг сўзларини келтиради Mundo Deportivo нашри.

Кечаги ғалабадан сўнг "Атлетико" 41 очко жамғарди ва турнир жадвалида учинчи ўринни эгаллаб турибди.