2024 йил баҳорида арбитраж комиссияси "Ювентус"ни ҳужумчи Криштиану Роналдуга пандемия даврида тўланмаган маош қарзи сифатида 9,8 миллион евро тўлашга мажбур қилган эди. Мазкур сумма тўлаб берилди ва Турин клубининг 2023/2024 молиявий ҳисоботида акс эттирилди. Шунга қарамай, "Ювентус" бу қарор бўйича апелляция берган эди.

Football Italia La Gazzetta dello Sportга таяниб хабар беришича, Туриндаги меҳнат масалалари бўйича суд қарор чиқарди — "Ювентус"нинг апелляцияси рад этилди. Шу тариқа, Роналду олинган маблағни қайтариши шарт эмас.

Қайд этилишича, Турин клуби қарорни ўрганиб чиқади ва ишни давом эттириш имкониятларини баҳолайди.